गढ़वाल धारा

Garhwali song/gazal मि तो त्यार बाट लग्युं छों, सुबेर बटी ह्वी ग्याई शाम, पर तु नि एई, बरखा ग्याई, चल ग्याई यू घाम। तिन तो वचन दयाई छ, जब होलु चैत कु पैलो सोमवार, तू मेसे मिलण कुंण, आली पक्को अबकी बार। यू बास्ता , खाणु पीणु छोड़ि कन, तिबारी बटी, बाट लगयूं छों, बाट लगयूं छों। जु मेरो यू नि मंणन, कि तिन अपरो वाचन त्वाड़, जिकुड़ी ते कनके मणाणं, अब बन्द कर ले यू किवाड़। त्यार छुई की समलौंणयां मा, गिची मा नि जांदू अब भात, आंखयु मा आंसू छन, कान कैक काटण यू रात। क्या यू दिन देखणा कुन, मिन तेसे माया लगाई, मिन तेसे माया लगाई, मिन तेसे माया लगाई। - शैलेन्द्र डबराल "शैल"