गढ़वाल कु गाँव (गढ़वाली कविता ) (Garhwali Poem)

मी छों बल गढ़वाल कु गाँव ,

कुई नि आन्दु यख लिण कुन छांव ।

कुड़ी मा बल पड़ंयां छन तालू ,

सुचदों छों मी, कुई युन्ते खुलना कुन आलू ।

यख शुद्ध छ हवा, शुद्ध छ पाणी ,

पर यूँते लैण कुण कुई नि आणि।

बार त्योहार सब यख छ सून ,

खालि छ मार्च , खालि छ जून |

पुंगडा मा नि छ कोई फसल , 

फैल्युं छ यख झाड झंकाड़ ,

फिर कुई म्यार खेती करण कुन आलू ,

बाटू लग्युं छ मेरो पहाड़ |

---शैलेन्द्र डबराल "शैल"-----